खुर्सानीको बोराभित्र लुकाएर ल्याउँदै गरेको लागुऔषधसहित एक जना सशस्त्र प्रहरीको नियन्त्रणमा

पर्सा। सशस्त्र प्रहरीले खुर्सानीको बोराभित्र लुकाएर लैजादै गरिएको ठुलो परिमाणमा लागुऔषधसहित एक जनालाई नियन्त्रणमा लिएको छ।

जिल्लास्थित वीरगन्ज महानगरपालिका-१६ भन्सार नजिकबाट   विभिन्न किसिमका लागूऔषधसहित 
बहुदमाई गाउँपालिका–३ नगरदाहा बस्ने अन्दाजी ३६ वर्षिय मिश्री रामलाई सशस्त्र प्रहरीको  प्रस्तावित सीमा सुरक्षा गुल्म वीरगन्ज खुर्सानीको बोरामा राखिएको लागुऔषध नियन्त्रणमा लिएको हो ।

भारतबाट पैदल आउँदै गरेका उनले टाउकोमा बोकी ल्याउँदै गरेको हरियो खुर्साको बोराभित्र लुकाईछिपाई राखेको डाईजापाम ४ सय ९० एम्पुल, बुप्रेनोर्फिन ४ सय ९९ एम्पुल, नोफिन २ सय ९७ एम्पुल र प्रोमाथाजिन हाईड्रोक्लोराईड ईन्जेक्सन ४ सय ९७ एम्पुल सशस्त्र प्रहरीले बरामद गरेको सशस्त्र प्रहरी प्रधान कार्यालयले जनाएको छ।

सशस्त्र प्रहरी सोमबार साँझ बरामद गरेका सबै लागुऔषध र नियन्त्रणमा लिइएका रामलाई आवश्यक कारवाहीको लागि जिल्ला प्रहरी कार्यालय पर्सा बुझाएको जनाएको छ।