सशस्त्र प्रहरीले इन्स्पेक्टरदेखि जवानसम्म ११ सय ७९ जनाका लागि खोल्यो भर्ना(सूचनासहित)

काठमाडौं । सशस्त्र प्रहरी बलले एकैपटक ठुलो संख्यामा जागिर आह्वान गरेको छ। सशस्त्र प्रहरीले निरीक्षक (इन्स्पेक्टर) देखि भान्सेसम्म गरी १ हजार बढी संख्यामा जनशक्ति माग गरेको हो।

सशस्त्र प्रहरीले सूचना जारी गर्दै ६८ इन्स्पेक्टर, ८३ सहायक निरीक्षक (असई) र ९४९ जना जवानका लागि भर्ना खुलाएको हो। सूचनामा २० जना भान्से,१९ कुचिकार,१० सुचिकार, केशतर्फ २४, चर्मकर्मीमा १४ जनाको लागि दरखास्त आह्वान गरिएको छ।

सशस्त्र प्रहरीले दिएको जानकारी अनुसार फाराम भर्ने म्याद २४ पुसदेखि माघ २४ गतेसम्म रहेको छ भने फाराम भरेकाहरुलाई फागुन ६ सम्पर्क मिति तोकिएको छ। 

इन्स्पेक्टरमा फारम भर्नेका लागि सशस्त्र प्रहरी प्रधान कार्यालय हलचोक र असईका लागि फाराम भरेको सम्बन्धित कार्यालयमा सम्पर्क गर्नुपर्ने जनाएको छ।

सशस्त्र प्रहरीले अन्य जानकारी सबै सूचनामा हेर्न सकिने जनाएको छ।

यस्तो छ जागिर आह्वानको सूचना -