सशस्त्र प्रहरी
सशस्त्र प्रहरीको एफपियु मिसनमा पठाउने भन्दै ठगी गर्ने दिनेश पक्राउ
मंगलबार, फागुन ६, २०८१
काठमाडौं। सशस्त्र प्रहरी बलको 'एफपियु' मिसनमा पठाइदिन्छु भन्दै सशस्त्र प्रहरी कर्मचारीबाट रकम ठगी गरेको अभियोगमा प्रहरीले एक जनालाई पक्राउ गरेको छ।
प्रहरीले सिन्धुपाल्चोक चौतारा साँगाचोकगढी नगरपालिका-२ बतासे घर भई भक्तपुर चाँगुनारायण नगरपालिका-२ दुवाकोट बस्ने २७ वर्षीय दिनेश सापकोटालाई पक्राउ गरेको हो ।
दिनेशले सशस्त्र प्रहरी बल नेपालका ७ जना कर्मचारीहरूलाई एफपियु मिसनमा पठाइदिने विश्वास र प्रलोभन देखाई रकम ठगी गरेको भन्ने सूचना प्राप्त हुनासाथ काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनलाई काठमाडौं दक्षिणकाली नगरपालिका-५ फर्पिङबाट पक्राउ गरेको हो ।
पक्राउ परेका दिनेशलाई आवश्यक अनुसन्धान तथा कारवाहीको लागि जिल्ला प्रहरी परिसर काठमाडौं पठाइएको प्रहरी प्रधान कार्यालयले जनाएको छ।
प्रकाशित मिति: मंगलबार, फागुन ६, २०८१
प्रतिक्रिया दिनुहोस्
थप सशस्त्र प्रहरी
साताको लोकप्रीय
