सशस्त्र प्रहरीले गर्‍यो बर्दियामा आगलागी तथा डढेलो नियन्त्रण सम्बन्धी सेमुलेसन अभ्यास

बर्दिया । सशस्त्र प्रहरी बल नं.३१ गण बर्दियाले आगलागी तथा डढेलो नियन्त्रण सम्बन्धी जनचेतना मुलक सेमुलेसन अभ्यास गरेको छ।

जिल्लास्थित बार्हबर्दिया नगरपालिका-६ धामपुरमा नजिकै गरेको गर्मीयाममा हुन सक्ने आगलागीका घटनाबाट हुन सक्ने क्षतिको रोकथाम र त्यसबाट लाग्ने डढेलो नियन्त्रणका लागि बर्दियामा रहेका सुरक्षाफौजसँग संयुक्त अभ्यास गरेको सशस्त्र प्रहरी बल नं. ५ मुख्यालय विन्ध्यावासिनी बाहिनी चन्द्रौटाले जानकारी दिएको छ।

जनचेतना मुलक सेमुलेसन अभ्यासमा गर्मीको समयमा आगलागीका साथै ढडेलो लागेमा कसरी नियन्त्रणमा लिने आमनागरिकलाई कसरी जोगाउने भन्ने बारेमा जानकारी दिदै अभ्यास गरिएको विन्ध्यावासिनी बाहिनीले जनाएको छ।

बर्दियामा धेरै सामुदायिक बन र जंगल रहेकाले हुन सक्ने सम्भावित घटनालाई मध्यनजर गर्दै सशस्त्र प्रहरी बल नं. ३१ गणले  उक्त अभ्यास गरेको विन्ध्यावासिनी बाहिनीले जानकारी दिएको छ।