प्रहरी संगठनलाई साधन स्रोत सम्पन्न बनाउन सरकार लाग्नुपर्छ:सशस्त्र प्रहरी प्रमुख अर्याल

काठमाडौं । सरकारले प्रहरी सङ्गठनहरूलाई साधन श्रोत  सम्पन्न बनाउनुपर्नेमा सशस्त्र प्रहरी बल नेपालका प्रमुख आईजीपी राजु अर्यालले जोड दिएका छन्  ।

सशस्त्र प्रहरी प्रमुख अर्यालले आजको राज्य व्यवस्था तथा सुशासन समितिको बैठकमा बोल्ने क्रममा प्रहरी सङ्गठनहरू साधन श्रोत सम्पन्न हुन नसकेको बताएका हुन्  । अर्यालले गृह मन्त्रालयलाई धेरै वर्ष पहिलादेखि प्रहरीलाई साधन श्रोत उपलब्ध गराउन नामहरूको सूचि दिए पनि पूरा हुन नसकेको दाबी गरेका थिए । 

सशस्त्र प्रहरी प्रमुख अर्यालले राष्ट्रको सुरक्षा प्राथमिकतामा पर्नुपर्ने उल्लेख गरेका हुन् । अर्यालले प्रविधि र साधन श्रोत सम्पन्न गर्नका लागि सरकारले बजेट निर्माणको काम भइरहेकाले सबै कुरा समेट्न जरुरी रहेको बताए । प्रहरीलाई साधन श्रोत सम्पन्न बनाउन सरकारलाई निर्देशन दिन समिति समक्ष आग्रह गरे अर्याल गरेका हुन् । 

सशस्त्र प्रहरी प्रमुख अर्यालले चैत १५ गतेको तीनकुने घटनामा बल प्रयोग आवश्यकता र समानुपातिकमा आधारित रहेको दाबी गरेका छन्  ।