५ किलो लागुऔषध पोलाइण्डसहित दुई युवक सशस्त्र प्रहरीको नियन्त्रणमा

काभ्रे । सशस्त्र प्रहरीले पोलाइण्ड नामक लागुऔषधसहित दुई जना युवकलाई पक्राउ गरेको छ। 

lसशस्त्र प्रहरीको इन्टेलिजेन्स ब्युरोले दिएको विशेष सूचनाको आधारमा सशस्त्र प्रहरी बल नेपाल नं.१५ गण  काभ्रेको टोलीले मंगलबार बनेपा- ७ चाँदनी चोकस्थित नेवारी खाजा घरमा लागूऔषध पोलाइण्ड  ५ केजी १०० ग्रामसहित धुलिखेल-६ का अमृत भण्डारी र धुलिखेल ४ का श्रीकृष्ण सत्याललाई सशस्त्र प्रहरीले पक्राउ गरेको हो।

साथै उनीहरुले प्रयोग गरेको बा ३८ प १४८१ नम्बरको मोटरसाइकल समेत सशस्त्र प्रहरीले बरामद गरेको हो।

यसअघि पनि  सशस्त्र प्रहरीले गत चैत्र १४ गते काठमाडौ महानगरपालिका–९ सिनामंगलबाट ७ किलोग्राम तथा फागुन १ गते काठमाडौको गोकर्णेश्वर नगरपालिका–६ जोरपाटीस्थित नयाँ बस्तीबाट पनि ५ किलो पोलाइण्ड बराबद गरेको थियो।

त्यसैगरी सशस्त्र प्रहरी गत भदौ २२ गते काठमाडौ महानगरपालिका–३२ कोटेश्वरबाट ५- किलो पोलाइण्ड नामक लागूऔषधसहित ५ जनालाई नियन्त्रणमा लिई सम्बन्धित नियकायमा बुझाएको थियो।