रुवी भ्यालीको तिप्लिङमा सशस्त्र प्रहरीको बिओपी स्थापना

धादिङ । सशस्त्र प्रहरी बलको धादिङस्थित रुवी भ्याली गाउँपालिका-१ तिप्लिङमा विओपी स्थापना भएको छ ।गृहमन्त्री रमेश लेखकले आज  विओपीको उद्घाटन गरेका हुन्  । 

धादिङ सदरमुकामबाट ७०.७५ किलोमटर टाढा र २२ सय मिटर उचाईमा रहेको  विओपी हाललाई सोही गाउँपालिकाले उपलब्ध गराएको भाडाको घरमा बसेको सशस्त्र प्रहरी प्रधान कार्यालयले जानकारी दिएको छ।

सशस्त्र प्रहरीका अनुसार  उच्च हिमाली भेग अन्तर्गत यसअघि दार्चुलाको तिंकर, हुम्लाको हिल्सा, मुस्ताङको नेचुङ्ग, गोरखाको साम्दो,रसुवाको टिमुरे, सिन्धुपाल्चोकको तातोपानी र गुम्बा, दोलाखाको लामाबगर, संखुवासभाको किमाथाङका, ताप्लेजुङको ओलाङचुङगोलामा बिओपी स्थापना भइसकेका छन् । 

यीसंगै छिमेकी मुलुक चिनतर्फको सीमानातर्फ ११ र  छिमेकिमुलुक भारततर्फको सीमानामा २ सय ४४ गरी बिओपी संख्या जम्मा २ सय ५५ पुगेको सशस्त्र प्रहरीले जनाएको छ।