बारामा सशस्त्र प्रहरीले गर्‍यो आगलागी घटनासम्बन्धि कृत्रिम अभ्यास, सँगैसीमाबासीलाई सचेतना पनि

बारा। गर्मीयाममा हुने धेरैजसो आगलागीका घटना हुने गरेको हामी देख्न सक्छौ । बढिरहेको गर्मीमा हुने आगलागीका घटनामा बच्न बारामा सशस्त्र प्रहरीले सीमाबासी बासिन्दालाई आगलागीको घटना भएमा तत्काल उद्दार लगायतका काम कसरी प्रभावकारीरुपमा गर्ने भन्ने विषयमा कृत्रिम घटना अभ्यास गरेको छ ।

सशस्त्र प्रहरी बल नं.१२  गण बाराले आगलागी भइहाले आफूसँगै अरुलाई पनि कसरी बचाउने बारेमा आगलागीको कृत्रिम अभ्यास  गर्दै यस्ता घटनाबाट बच्न अपनाउनु पर्ने सावधानीका बारेमा शुक्रबार सचेतना दिएको एसपी खुम केसीले जानकारी दिएका छन् ।

विश्रामपुर गाउँपालिका-४ बिओपी बरैनियास्थित बलिरामपुर दशगजामा एसपी केसीको नेतृत्वमा गरिएको  कृत्रिम घटना अभ्यासमा विपद क्षेत्रमा कार्यरत सशस्त्र प्रहरीको विपद व्यवस्थापन गुल्म बारा, बारा गणस्थित सशस्त्र प्रहरी, नेपाल प्रहरी र भारतीय सीमा सुरक्षा बलको संयुक्त टोलीले स्थानीय सीमाबासी नागरिकलाई आगलागीबाट बचाउन कृत्रिम अभ्यास गरेको सशस्त्र प्रहरी बाराले जनाएको छ।

गर्मीयाममा विभिन्न कारणले आगलागीका घटनाहरु बढ्ने  हुँदात्यस्ता घटनाहरु बढ्न नपाउन, त्यस्ता घटनाहरुलाई कसरी नियन्त्रण गर्न सकिन्छ भन्ने उद्देश्यले आगलागी घटनासम्बन्धि नमुनाको रुपमा कृत्रिम घटना अभ्यास गरिएको शसस्त्र प्रहरी बल नं.१२  गण प्रमुख केसीले बताए।

कृत्रिम अभ्यास तथा सचेतना कार्यक्रममा विश्रामपुर गाउँपालिकाका अध्यक्ष जुल्फाक अलि ,एसपी केसी,सशस्त्र प्रहरी विपद व्यवस्थापन गुल्म बाराका डीएसपी बिजय हमाल,भारतीय एसएसबीका इन्स्पेक्टर सर्वस कुमार सिंह , प्रस्तावित सीम सुरक्षा गुल्मका प्रमुख डीएसपी उदय न्यौपाने, बिओपी बरैनियाका इन्स्पेक्टर हरि रिमाल,इलाका प्रहरी प्रसौनियाका प्रमुख लगायत अन्य सशस्त्र प्रहरी इकाई प्रमुख र सयौंको संख्यामा स्थानीयबासीको उपस्थिति रहेको सशस्त्र प्रहरी बल नं.१२ गणले जनाएको छ।