ब्राउन सुगरसहित भारतीय युवक सशस्त्र प्रहरीको नियन्त्रणमा
काठमाडौं । सशस्त्र प्रहरीले ब्राउन सुगरसहित एक युवकलाई पक्राउ गरेको छ। सुनसरीको कोशी गाउँपालिका–१ लौकहीबाट सशस्त्र प्रहरीले ६ ग्राम ६ मिलिग्राम ब्राउन सुगरसहित ३५ वर्षीय भारतीय युवकलाई पक्राउ गरेको सशस्त्र प्रहरी प्रधान कार्यालयले जानकारी दिएको छ।
सशस्त्र प्रहरीका अनुसार भारत घर बताउने ३५ वर्षिय गणेश शर्मालाई सशस्त्र प्रहरी बल नेपाल बोर्डर आउट पोष्ट लौकहीले उक्त परिमाणको ब्राउन सुगरसहित नियन्त्रणमा लिएको हो ।
गणेश बीआर ५० एए ८३६७ नम्बरको मोटरसाइकलमा नेपालतर्फ आउँदै गरेको अवस्थामा सशस्त्र प्रहरीको गस्ती टोलीले चेकजाँचका क्रममा प्लाष्टिकले बरेर राखिएको ६.६ ग्राम ब्राउन सुगर फेला परेको सशस्त्र प्रहरीले जनाएको छ।
पक्राउ परेका गणेश र बरामद गरिएको ब्राउन सुगरलाई आवश्यक कारवाहीको लागि सम्बन्धित निकायमा पठाइएको सशस्त्र प्रहरी प्रधान कार्यालयले जानकारी दिएको छ।
- सशस्त्रद्वारा पाल्पाकी छात्रा ओजस्वीलाई लागुऔषध विरुद्धको अभियानमा 'जागरण दुत' घोषणा
- दाङमा टिपरको ठक्करबाट एक जनाको मृत्यु, अर्का एक घाइते
- शङ्कास्पद अवस्थामा फेला परेको सुटकेसभित्र भेटियो महिलाको शव
- मोटरसाइकल दुर्घटनामा श्रीमतीको मृत्यु,श्रीमान् घाइते
- स्वास्थ्यमा गम्भीर असर पार्ने रङ्ग मिसाएर बिरयानी खुवाउने नेपालगन्जका उमरलाई ६ महिना जेल
