डीआईजी कुँवरद्वारा बाँकेस्थित साईगाउँ बिओपीको उद्घाटन, यसअघि थियो फरवार्ड बेस

नेपालगन्ज । बाँकेको जानकी गाउँपालिकास्थित सशस्त्र प्रहरी बल नेपालको साईगाउँ फरवार्ड बेसलाई बिओपीका रुपमा परिणत गरिएको छ।

सशस्त्र प्रहरी बल नं.३० गण,बागेश्वरी बाँके मातहत रहेको उक्त फरवार्ड बेसलाई सशस्त्र प्रहरी बल नं.५ विन्ध्यावासिनी बाहिनी, लुम्बिनीका प्रमुख सशस्त्र प्रहरी नायब महानिरीक्षक ( डीआईजी)  दीपेन्द्र कुँवरले बोर्डर आउट पोष्ट (बिओपी) का रुपमा उद्घाटन गरेका छन् ।  साईगाउँलाई बिओपीमा परिणत गरेसँगै बाँकेमा प्रस्तावित सीमा सुरक्षा गुल्मको संख्या २ र बिओपी ७ पुगेको छ।

डीआईजी कुँवरले बिओपीको उद्घाटन गर्दै सशस्त्र प्रहरी कर्मचारीलाई संगठनले दिएको जिम्मेवारीलाई इमानदारीसाथ पालना गर्न र अवैध चोरीपैठारी नियन्त्रण गर्न निर्देशन दिएका थिए।

साईगाउँ बेसलाई अवैध चोरीपैठारी नियन्त्रणका लागि एक वर्षअघि अगाडि स्थापना गरिएको थियो। जानकी-१ अवस्थित उक्त फरवार्ड बेसमा हाल सशस्त्र प्रहरी नायब निरीक्षक (सई) ले कमाण्ड गर्दै आएका छन्।हाल त्यहाँ सई जीवन पौडेलले कमाण्ड सम्हाल्दै आएका छन् ।

बुधबार भएको साईगाउँ बिओपी उद्घाटनमा सशस्त्र प्रहरी बाँके प्रमुख सशस्त्र प्रहरी उपरीक्षक (एसपी) शोभाकान्त खनाल, सशस्त्र प्रहरी नायब उपरीक्षक (डीएसपी) दीपक चन्द, प्रस्तावित सीमा सुरक्षा गुल्मका प्रमुख,बिओपी प्रमुख लगायत अन्य सशस्त्र प्रहरी कर्मचारीहरुको उपस्थिति रहेको सशस्त्र प्रहरी बल नं.३० बाँकेले जानकारी दिएको छ।