सशस्त्र प्रहरी जवान घुससहित अख्तियारको नियन्त्रणमा

काठमाडौं । अख्तियार दुरुपयोग अनुसन्धान आयोगले सशस्त्र प्रहरी जवानलाई घुससहित पक्राउ गरेको छ।

रुपन्देहीको कोटहीमाई गाउँपालिका-५ मा कार्यरत सशस्त्र प्रहरी जवान यामबहादुर खत्रीलाई अख्तियारले १५ हजार रुपैयाँ घुससहित पक्राउ गरेको हो।

अख्तियारका अनुसार जवान खत्रीले भारतबाट भन्सार छली गरेर ल्याइएका कपडा तथा किराना सामग्री ल्याउन सहजीकरण गरिदिने भन्दै १५ हजार रुपैयाँ घुस लिएको अवस्थामा पक्राउ गरिएको हो।

जवान खत्रीलाई सोमबार बुटवलबाट खटिएको अख्तियारको टोलीले पक्राउ गरेर थप अनुसन्धान जारी राखेको जनाएको छ।