बर्दियाबाट भारततर्फ लैजान लागिएको ४८ लाख बढीको इलेक्ट्रिक चुरोट सशस्त्र प्रहरीको नियन्त्रणमा
बर्दिया । सशस्त्र प्रहरीले बर्दियाबाट ४८ लाख रुपैयाँ बढीको इलेक्ट्रिक चुरोट बरामद गरेको छ।
नेपालबाट भारततर्फ लैजाँदै गरेको ४८ लाख ५ हजार रुपैयाँ बराबरको चाइनीज इलेक्ट्रिक चुरोटलाई जिल्लाको सीमा नाका नजिकबाट बरामद गरिएको सशस्त्र प्रहरी नं.३१ गण बर्दियाले जानकारी दिएको छ।
सशस्त्र प्रहरी बर्दियाका अनुसार बिओपी शक्तिपुरबाट सई कमल बहादुर नेपालीको कमाण्डमा गएको टोलीले जिल्लाको मधुवन नगरपालिका-५ शक्तिपुरबाट गए राति १२ बजे उक्त रकम बराबरको चाइनीज इलेक्ट्रिक चुरोट बरामद गरेको हो।
भारततर्फ साइकलमा चाइनीज इलेक्ट्रिक चुरोट लिएर जाँदै गरेको अवस्थामा सशस्त्र प्रहरीलाई देख्ने बित्तिकै तस्करहरुले साइकल र इलेक्ट्रिक चुरोट छोडेर भागेको सशस्त्र प्रहरी नं.३१ गण बर्दियाले जनाएको छ।
बरामद गरिएको ९ सय २० पिस चुरोटको प्रति पिस २५ सय रहेको छ भने बरामद गरिएको चुरोट तथा ओसारपसारमा प्रयोग गरिएका साइकललाई आबश्यक कारबाहीका लागि भन्सार कार्यालय बर्दिया पठाउन लागिएको सशस्त्र प्रहरी बर्दियाले जानकारी दिएको छ।
- विभिन्न किसिमका लागुऔषधसहित १५ जना नेपाल प्रहरीको नियन्त्रणमा
- अख्तियारले थाल्यो ६४ उजुरीमाथि विस्तृत अनुसन्धान
- बर्दियाबाट भारततर्फ लैजान लागिएको ४८ लाख बढीको इलेक्ट्रिक चुरोट सशस्त्र प्रहरीको नियन्त्रणमा
- मोटरसाइकल चोरीमा संलग्न एक युवक ट्राफिक प्रहरीको नियन्त्रणमा
- सशस्त्रद्वारा पाल्पाकी छात्रा ओजस्वीलाई लागुऔषध विरुद्धको अभियानमा 'जागरण दुत' घोषणा
