सशस्त्र प्रहरीले पिछा गरेको स्कारपियोमा भेटियो तस्करी गरेर ल्याइएको ७ लाखको अवैध लत्ताकपडा
काठमाडौं सशस्त्र प्रहरीले एउटा भारतीय स्कारपियो गाडीसहित ७ लाख रुपैयाँबढीको अवैध लत्ताकपडा बरामद गरेको छ।
सिरहाको लहान नगरपालिका-१९ स्थित छारापट्टि चोकबाट भन्सार छली गरी ल्याइएको सामानसहित एक भारतीय स्कारपियो गाडी सशस्त्र प्रहरीले नियन्त्रणमा लिएको हो।
बिहीबार साँझ सशस्त्र प्रहरी बलको मोबाइल टोलीले ठाडी–लहान सडकखण्डमा जाँच गर्ने क्रममा बिआर०१ पिबी ४६४२ नम्बरको स्कारपियो गाडीलाई रोक्न खोज्दा चालकले गाडी तीव्र गतिमा भगाएका थिए।
सशस्त्र प्रहरी बल नम्बर ७ गणका प्रमुख नरेश भण्डारीका अनुसार, पिछा गर्दै जाँदा गाडी लहान–१९ को कटाहा चोक नजिक बेवारिसे अवस्थामा फेला परेको हो। चालक भने फरार छन्। गाडीको जाँच गर्दा करिब ७ लाख ४ हजार ८५० रुपैयाँ बराबरको लत्ताकपडा फेला परेको छ।
गाडीको मूल्य करिब १५ लाख रुपैयाँ रहेको अनुमान गरिएको छ। बरामद गरिएको गाडी र कपडालाई भन्सार कार्यालयमा आज बुझाउने प्रक्रिया अगाडि बढाइएको प्रहरीले जनाएको छ।
ड्युटीमा रहेका सशस्त्र प्रहरीमाथि हातपात गर्ने गाउँपालिका उपाध्यक्ष पक्राउ
सोमबार, चैत २३, २०८२
सशस्त्र प्रहरीका इन्स्पेक्टर ४० हजार घुससहित अख्तियारको नियन्त्रणमा
शुक्रबार, चैत २०, २०८२- मुद्दा शाखाका नायब सुब्बा १५ हजार घुससहित पक्राउ, थप ७७ हजार रुपैयाँ बरामद
- स्रोत नखुलेको लाखौं रुपैयाँसहित दुई जना प्रहरीको नियन्त्रणमा
- पोर्चुगल पठाउने भन्दै ५ लाख ठगी गरेको आरोपमा एक महिला पक्राउ
- २८ वर्षीया महिलामाथि जबरजस्ती करणीको आरोपमा २३ वर्षीय युवक पक्राउ
- उपरथीमा पदोन्नति भएका दुई अधिकृतलाई दर्ज्यानी चिन्ह प्रदान
