सशस्त्र प्रहरीकी इन्स्पेक्टर डा.महिमालाई सेवाबाट हटाउने तयारी

काठमाडौं ।  गैरजिम्मेवार रुपले आफूखुसी बिदामा बसेकी सशस्त्र प्रहरी बलकी एक जना इन्स्पेक्टरलाई सेवाबाट हटाउने तयारी गरिएको छ।

बिदा स्वीकृत नगराएर गत साउन १४ गतेदेखि पदीय जिम्मेवारी विपरीत आफूखुसी बिदामा बसेकी सशस्त्र प्रहरीकी इन्स्पेक्टर डा.महिमा सिटौलालाई गृह मन्त्रालयले विभागीय कारबाही अन्तर्गत सेवाबाट हटाइज लागिएको हो।

गृह मन्त्रालयको सचिव स्तरको निर्णयले महिमालाई ‘भविष्यमा सरकारी सेवाको निमित्त अयोग्य नठहरिने गरी सेवाबाट हटाउने’ निर्णय गरिसकेको बताइएको छ।

गृह मन्त्रालयले भनेको छ-" यदि विभागीय सजाय भोग्नु नपर्ने भए बाटोको म्याद बाहेक ७ दिनभित्र कारणसहित सफाइ पेस गर्ने मौका समेत दिइएको छ ।"