तस्करी गरेर ल्याइएको २१८ बोरा युरिया मल कपिलवस्तु सशस्त्र प्रहरीको नियन्त्रणमा

कपिलवस्तु  ।कपिलवस्तुबाट अवैध रुपले ल्याइएको २१८ बोरा युरिया मल बरामद गरिएको छ। 

सशस्त्र प्रहरीको बिओपी मर्यादापुर र भन्सार कार्यालय कपिलवस्तुको संयुक्त टोलीले कपिलवस्तुको सुठौली नाकाबाट भन्सार छलेर ल्याइएको २१८ बोरा युरिया मल बरामद गरेको सशस्त्र प्रहरी प्रधान कार्यालयले जानकारी दिएको छ । 

सशस्त्र प्रहरी प्रधान कार्यालयका अनुसार विशेष सूचनाका आधारमा दशगजा क्षेत्रमा लुकाएर राखेको २१८ बोरा मल बरामद गरिएको हो।

यशोधरा गाउँपालिका- ७ स्थित बगैंचामा मल लुकाएर राखिएको सूचना आएपछि सशस्त्र प्रहरी बल नम्बर २८ गण कपिलवस्तुबाट पनि सशस्त्र प्रहरीको थप टिम परिचालन गरेर मल बरामद गरिएको सशस्त्र प्रहरीले जनाएको छ।