डीआईजी ढकालद्वारा बारा सशस्त्र प्रहरीको भवन उद्घाटन,सँगै सीमा सुरक्षाको महत्त्वबारे अन्तरक्रिया

काठमाडौं । सशस्त्र प्रहरी  बल नं.१२ गण, बारामा नवनिर्मित भवनको  सशस्त्र महानिरीक्षक (डीआईजी) कृष्ण ढकालले उद्घाटन गरेका छन् ।

बारा सशस्त्र प्रहरी गण परिसरमा निर्मित भवनको आज उद्घाटन गर्दै डीआईजी ढकालले संगठनले दिएको जिम्मेवारीलाई इमानदारीपूर्वक सम्पन्न गर्न सकल दर्जालाई निर्देशन दिएका हुन् ।

सशस्त्र प्रहरी प्रधान कार्यालयका अनुसार सशस्त्र प्रहरी बल नं.२ छिन्नमस्ता बाहिनीको आयोजनामा 
सीमावासीसँग सशस्त्र प्रहरी कार्यक्रम अन्तर्गत सीमा सुरक्षाको महत्व तथा सीमा अपराध नियन्त्रण सम्बन्धी अन्तरक्रिया कार्यक्रम गरिएको थियो।

कार्यक्रममा डीआईजी ढकालसहित सशस्त्र प्रहरी बारा प्रमुख एसपी खुम केसी लगायत सशस्त्र प्रहरी कर्मचारी तथा स्थानीयहरुको उपस्थिति रहेको सशस्त्र प्रहरी प्रधान कार्यालयले जनाएको छ।