भारतबाट ल्याइएको साढे १३ लाख रुपैयाँ बढीको अवैध काजु सशस्त्र प्रहरीको नियन्त्रणमा

काठमाडौं । सशस्त्र प्रहरीले अवैध रुपले भारतबाट ल्याइएको १ हजार ३७० किलो काजु बरामद गरेको छ।

धनुषाको नगराईन नगरपालिका–२ जटहीस्थित खेतबाट सशस्त्र प्रहरी बल नं.८ ८ गणबाट खटिएको टोलीले चोरीपैठारी गरेर ल्याइएको १३ लाख ७० हजार रुपैयाँ बराबरको अवैध काजु बरामद गरेको सशस्त्र प्रहरी प्रधान कार्यालयले जनाएको छ।

धनुषा सशस्त्र प्रहरीले बरामद गरेको उक्त रकम बराबरको अवैध काजुलाई आवश्यक प्रक्रिया पूरा गरी भन्सार कार्यालय बुझाइएको सशस्त्र प्रहरी प्रधान कार्यालयले जानकारी दिएको छ।