नारायणीमा हामफालेर बेपत्ता भएका शिव भट्टराईको शव फेला

नवलपरासी। नारायणी नदीमा हामफालेर बेपत्ता भएका शिव भट्टराईको शव फेला परेको छ। चितवनको भरतपुर महानगरपालिका–४ शिवघाट बस्ने ४५ वर्षीय शिवको शव पूर्वी नवलपरासीको गैडाकोट नगरपालिका–५ कुसुमघाटस्थित शिवमन्दिर नजिक नारायणी नदीको किनारामा सशस्त्र प्रहरीले फेला पारेको हो।

भट्टराई राईनो वाटर इन्टरटेनमेन्ट प्रा.लि. ले निर्माण गर्दै गरेको क्रुज (पानी जहाज) मा कर्मचारीका रूपमा कार्यरत थिए। उनी मंसिर २२ गते सोही क्रुजबाट हाम फालेपछि बेपत्ता भएका थिए।

हामफालेको सूचना पाएलगत्तै सशस्त्र प्रहरी बल नं. १७ गण चितवनबाट खटिएको गोताखोरसहितको टोलीले खोजतलास सुरु गरेको थियो। निरन्तरको खोजीपछि उनको शव घटनास्थलभन्दा केहि तल फेला पारिएको पसशस्त्र प्रहरीले  जनाएको छ।

घटनाबारे थप अनुसन्धान भइरहेको अधिकारीहरूले जानकारी दिएका छन्।