सशस्त्र प्रहरीले बरामद गर्‍यो भारत लैजन लागेको ४५ लाखको 'इलेक्ट्रिक भेप'

काठमाडौं । सशस्त्र प्रहरीले ४५ लाख रुपैयाँ बराबरको  इलेक्ट्रिक भेप बरामद गरेको छ। पश्चिम नवलपरासीको पाल्हिनन्दन गाउँपालिका–६ स्थित कब्रस्थानबाट करिब ४५ लाख रुपैयाँ बराबरको ९ कार्टुन इलेक्ट्रिक भेप बरामद गरेको सशस्त्र प्रहरीले जानकारी दिएको छ।

सशस्त्र प्रहरी प्रधान कार्यालयका अनुसार आज नेपालबाट अवैध रूपमा भारततर्फ लैजान खोजिएको १८ सय वटा इलेक्ट्रिक भेप सोही ठाउँस्थित परालमा लुकाई राखिएको अवस्थामा बरामद गरिएको हो।

सशस्त्र प्रहरी बल, नेपाल नम्बर २६ गण पश्चिम नवलपरासी र सीमा सुरक्षा गुल्म हरपुरबाट खटिएको टोलीले उक्त ४५ लाख रुपैयाँँको भेप बरामद गरेको सशस्त्र प्रहरी प्रधान कार्यालयले जनाएको छ।

बरामद गरिएको लाखौं रुपैयाँको भेपलाई आबश्य्क कारबाहीका लागि महेशपुर भन्सार कार्यालय, नवलपरासीमा बुझाइएको  सशस्त्र प्रहरी प्रधान कार्यालयले जानकारी दिएको छ।