सीमा सुरक्षा बैठकमा बेहोस भएर ढलेका सशस्त्र प्रहरीका एसपी राजेश घिमिरेको निधन

नेपाल। भारत सीमा सुरक्षा समन्वय बैठकका क्रममा सशस्त्र प्रहरी बलका उपरीक्षक (एसपी) राजेश घिमिरेको निधन भएको छ।

शुक्रबार मोरङको विराटचोकमा नेपाल सशस्त्र प्रहरी बल र भारतको सीमा सुरक्षा बल (एसएसबी) बीच चलिरहेको डीआईजी तहको बैठकमा उनी अचानक बेहोस भएर ढलेका थिए। उपचारका क्रममा विराट मेडिकल कलेजमा राति ८ बजेर ५२ मिनेटमा  उनको मृत्यु भएको हो।

उनी उच्च रक्तचापबाट पीडित रहेको र अवस्था गम्भीर भएपछि भेन्टिलेटरमा राखेर उपचार गरिएपनि चिकित्सकले मृत घोषणा गरेको सशस्त्र प्रहरी बलले जनाएको छ।