स्रोत नखुलेको ९ लाख रुपैयाँसहित अनिल सशस्त्र प्रहरीको नियन्त्रणमा

काठमाडौं । सशस्त्र प्रहरीले स्रोत नखुलेको ९ लाख रुपैयाँसहित एक जनालाई नियन्त्रणमा लिएको छ।

सशस्त्र प्रहरी प्रधान कार्यालयक अनुसार पर्साको बीरगंज महानगरपालिका– १६ भन्सार मेनगेटबाट श्रोत नखुलेको ९ लाख रुपैयाँसहित सोही महानगरपालिका–८ बस्ने ४४ बर्षीय अनिल कुमार शाहलाई नियन्त्रणमा लिइएको हो।

बिषेश सुचनाको आधारमा सीमा सुरक्षा गुल्म पर्सा बीरगंजले भारतबाट नेपालतर्फ आउदै गरेको ना २ प ९५८७ नम्बरको मोटरसाइकललाई चेकजाँच गर्ने क्रममा मोटरसाइकलको सिट कभर मुनि प्लास्टिकमा प्याक गरी लुकाई छुपाई ल्याउँदै गरेको अवस्थामा स्रोत नखुलेको  
१ हजार दरको ९ सय थान नोट बरामद गरेको सशस्त्र प्रहरीले जानकारी दिएको छ।

चैत १२ गते पक्राउ परेका अनिल र  बरामद ९ लाख रुपैयाँका साथै  मोटरसाइकललाई आवश्यक कारवाहीको लागि भन्सार कार्यालय बीरगंजमा बुझाइएको सशस्त्र प्रहरीले जनाएको छ।