रुपन्देही प्रहरीको २ घण्टे 'स्वीप अपरेसन': १०३ जना पक्राउ, अनुसन्धान गर्दै प्रहरी

रुपन्देही  ।  जिल्ला प्रहरी कार्यालय रुपन्देहीले व्यापक निगरानी अभियानका क्रममा सञ्चालन गरिएको स्वीप अपरेसनमा १०३ जनालाई नियन्त्रणमा लिएको छ।

रुपन्देही प्रहरीका अनुसार शनिबार साँझ करिब दुई घण्टासम्म विशेष “स्वीप अपरेशन” चलाइएको थियो। उक्त अभियान बेलुका ७ बजेदेखि राति ९ बजेसम्म जिल्लाका विभिन्न स्थानमा केन्द्रित गरिएको थियो।

जिल्ला प्रहरी कार्यालय रुपन्देहीका अनुसार चेकजाँचका क्रममा शंकास्पद रूपमा भेटिएका १०३ जनालाई नियन्त्रणमा लिइएको हो।

प्रहरीले दिएको जानकारी  अनुसार नियन्त्रणमा परेकामाथि सम्भावित आपराधिक संलग्नता सम्बन्धी विस्तृत अनुसन्धान अघि बढाइएको छ। प्रहरीले यस्तो अभियानले जिल्लामा शान्ति सुरक्षा मजबुत बनाउन सहयोग पुग्ने विश्वास व्यक्त गरेको छ।