लडेर घाइते भएका सशस्त्र प्रहरी हवल्दार जितेन्द्र यादवको मृत्यु

काठमाडौं । गम्भीर घाइते भएका सशस्त्र प्रहरी हवल्दार जितेन्द्र कुमार यादवको मृत्यु भएको छ।

सप्तरीकोबोदेबर्साईन नगरपालिका–५ स्थित सशस्त्र प्रहरी बलको सुरक्षा बेस क्याम्पमा कार्यरत रहेका यादव रातिको समयमा दुर्घटनामा परेका थिए।

प्राप्त जानकारी अनुसार, राति करिब ३ बजेतिर शौचालय जाने क्रममा लडेर उनी गम्भीर घाइते भएका थिए। घटनापछि तत्काल उपचारका लागि अस्पताल लगिएको भए पनि चिकित्सकले उनलाई मृत घोषणा गरेका थिए। यो जानकारी सशस्त्र प्रहरी बल नेपाल नं। ६ गण सप्तरीका प्रमुख सशस्त्र प्रहरी उपरीक्षक रोशन बुढाथोकीले दिएका हुन्।

सशस्त्र प्रहरीका अनुसार मृतक यादवमा उच्च रक्तचापको समस्या रहेको थियो, जसले घटनामा भूमिका खेलेको हुन सक्ने अनुमान गरिएको छ। यादव बारा जिल्लाको पचरौता नगरपालिका–८ का स्थायी बासिन्दा थिए।घटनाको वास्तविक कारण खुलाउन सशस्त्र प्रहरीले थप अनुसन्धान जारी राखेको जनाएको छ।