नेभिगेशन
सशस्त्र प्रहरी

जमुनाह नाकाबाट अवैध सामानसहित महिला सशस्त्र प्रहरीको नियन्त्रणमा

बाँके । बाँकेको जमुनाह नाका नजिकबाट सशस्त्र प्रहरीले अवैध रूपमा भित्र्याइएको सामानसहित एक महिलालाई नियन्त्रणमा लिएको छ।

सशस्त्र प्रहरी बल नेपाल सीमा सुरक्षा गुल्म जमुनाहले आज दिउँसो भारतको रुपइडिहाबाट तस्करी गरी ल्याउँदै गरिएको करिब २५ हजार रुपैयाँ बराबरको इनर्जी ड्रिंक्स लगायतका सामन्न बरामद गरेको हो।

उक्त सामानसहित कोहलपुर नगरपालिका–२ कौशिलानगर निवासी सीता शाहीलाई नियन्त्रणमा लिइएको सशस्त्र प्रहरीले जनाएको छ। बरामद गरिएको सामान र नियन्त्रणमा परेकी शाहीलाई आवश्यक कारबाहीका लागि आजै नेपालगन्ज भन्सार कार्यालय बुझाउने तयारी गरिएको छ।

साथै, नियन्त्रणका क्रममा शाहीले ड्युटीमा खटिएका सशस्त्र प्रहरीमाथि अभद्र व्यवहार गरेको सशस्त्र प्रहरीले जनाएको छ।

प्रकाशित मिति:
प्रतिक्रिया दिनुहोस्