सशस्त्र प्रहरीका ६ डीआईजी र ७ एसएसपीले पाए दर्ज्यानी चिन्ह

काठमाडौं । सशस्त्र प्रहरी बल नेपालमा हालै बढुवा भएका उच्च अधिकृतहरूलाई दर्ज्यानी चिह्न प्रदान गरिएको छ। सोमबार हलचोकस्थित मुख्यालयमा आयोजित कार्यक्रममा सशस्त्र प्रहरी महानिरीक्षक नारायण दत्त पौडेलले बढुवा भएका डीआईजी र एसएसपीहरूलाई दर्ज्यानी चिह्न लगाइदिएका हुन्।

सरकारको बढुवा निर्णयअनुसार वैशाख २४ गते डीआईजी र एसएसपी तहमा पदोन्नति भएका अधिकृतहरूलाई औपचारिक रूपमा दर्ज्यानी चिन्ह प्रदान गरिएको हो। डीआईजीमा बढुवा हुनेहरूमा दिगविजय सुवेदी, किरण बस्नेत, माधवप्रसाद पौडेल, प्रविण कँडेल, राजेश उप्रेती र नेत्रबहादुर कार्की रहेका छन्।

यस्तै, एसएसपीमा दीपककुमार थापा, सुधीर सुवेदी, महेश केसी, प्रकाशकुमार सुवेदी, चित्राङ्ग दाहाल, सुभाष भण्डारी तथा प्रदीप सिंह कार्की बढुवा भएका छन्।

यसअघि बढुवा समितिले वैशाख ११ गते उनीहरूको नाम सिफारिस गरेको थियो।