मटरा क्षेत्रबाट १४ लाख बढीको अवैध खरबुजाको बियाँ सशस्त्र प्रहरीको नियन्त्रणमा
पश्चिम् नवलपरासी। पश्चिम नवलपरासीमा सशस्त्र प्रहरीले १४ लाखभन्दा बढी मूल्यको अवैध खरबुजाको बियाँ बरामद गरेको छ।
सशस्त्र प्रहरी बल, नेपाल नं. २६ गण मुख्यालय पश्चिम नवलपरासी र बिओपी गुठिप्रसौनीबाट खटिएको संयुक्त टोलीले विशेष सूचनाका आधारमा जिल्लाको प्रतापपुर गाउँपालिका–५ मटरा क्षेत्रमा छापा मार्दा ठूलो परिमाणमा लुकाईछिपाई राखिएको खरबुजाको बियाँ फेला पारेको हो।
बिहीबार बिहान करिब ७ बजे बाबुराम पालको खाली टहरामा खानतलासी गर्दा ४ हजार ७ सय २० केजी (११८ बोरा) खरबुजाको बियाँ बरामद गरिएको सशस्त्र प्रहरीले जनाएको छ। उक्त बियाँको अनुमानित बजार मूल्य १४ लाख १६ हजार रुपैयाँ रहेको बताइएको छ।
सशस्त्र प्रहरीका अनुसार नं.२६ गण पश्चिम नवलपरासीबाट सशस्त्र प्रहरी नायब उपरीक्षक सूर्य प्रकाश शर्मा र सशस्त्र प्रहरी बल,नेपाल बिओपी गुठिप्रसौनीबाट सशस्त्र प्रहरी निरीक्षक बद्रीनाथ देवकोटाको कमाण्डमा संयुक्त टोलीले उक्त अवैध खरबुजाको बियाँ बरामद गरेको हो।
बरामद गरिएको सबै अवैध खरबुजाको बियाँलाई आवश्यक कारबाहीका लागि महेशपुर भन्सार कार्यालयमा बुझाइएको सशस्त्र प्रहरीले जनाएको छ ।
नौबस्तामा सशस्त्र प्रहरी जवान आधारभूत तालिमको अन्तिम दीक्षान्त कवाज समारोह सम्पन
बिहीबार, असोज २९, २०८३
बाँकेमा दुई दिनमा १५ लाखभन्दा बढीको अवैध सामान सशस्त्र प्रहरीको नियन्त्रणमा
बिहीबार, असोज २९, २०८३
महाकालीमा बेपत्ता सशस्त्रका असई थारूको शव झोलुङ्गे पुलको तारमा फसेको अवस्थामा फेला
बुधबार, असोज २८, २०८३
चोरी गरिएको प्राचीन मूर्ति भारत पुर्याउन खोज्दा एक युवक सीमामा समातिए
सोमबार, असोज २६, २०८३
