सशस्त्र प्रहरी जवान ओमप्रकाश पुनसँगै मामा शुक्रबारदेखि बेपत्ता, महाकालीमा बगेको आशंका

डडेल्धुरा ।  सशस्त्र प्रहरीका एक जवानसहित दुई जना बेपत्ता भएका छन् ।

डडेल्धुराको परशुराम नगरपालिका–५ बाट परिगाउँस्थित सशस्त्र प्रहरी बलको बोर्डर आउट पोस्ट (बिओपी)मा कार्यरत प्रहरी जवान ओमप्रकाश पुन मगर र स्थानीय ५६ वर्षीय तीर्थबहादुर थापा मगर बेपत्ता भएको जिल्ला प्रहरी कार्यालय डडेल्धुराले जानकारी दिएको छ।

डीएसपी बरुणबहादुर सिंहका अनुसार शुक्रबारदेखि सम्पर्कविहीन भएका दुवै जना मामाभान्जा नाता पर्ने बताइएको छ ।

महाकाली नदी किनारमा उनीहरूले प्रयोग गरेको ट्युब फेला परेकाले नदीमा बगेको हुन सक्ने आशंकासहित खोजी सुरु भएको उनले जानकारी दिए । रासस।