पश्चिम नवलपरासीबाट २७ लाखभन्दा बढीको अवैध सामान प्रहरीको नियन्त्रणमा

पश्चिम नवलपरासी।  जिल्ला प्रहरी कार्यालय पश्चिम नवलपरासी र इलाका प्रहरी कार्यालय बर्दघाटबाट खटिएको संयुक्त प्रहरी गस्ती टोलीले ठूलो परिमाणमा अवैध सामान बरामद गरेको छ ।

​गए राति बर्दघाट नगरपालिका-११ गैडहास्थित भित्री सडक खण्डको बाटोको छेउमा लुकाई-छिपाई राखेको अवस्थामा प्रहरीले उक्त सामानहरू फेला पारेको हो । बरामद गरिएका सामानहरूमा ४७ कार्टुन (२३,५०० पिस) मोबाइल टेम्पर्ड ग्लास र ३२ कार्टुन (९८४ प्याकेट) हुक्कामा प्रयोग गरिने फ्लेभर रहेका छन्ज। जसको अनुमानित मूल्य रु. २७ लाख १९ हजार १८४ रुपैयाँ रहेको प्रहरीले जनाएको छ ।

​जिल्ला प्रहरी कार्यालयका सूचना अधिकारी एवं प्रहरी नायव उपरीक्षक मदन थापाका अनुसार नियन्त्रणमा लिइएका उक्त सबै सामग्रीहरूलाई आवश्यक कारबाहीका लागि महेशपुर भन्सार कार्यालय नवलपरासीमा पठाउने तयारी भइरहेको छ ।