तीन वटा मोटरसाइकलसहित साढे ९ लाख बढीको अवैध सामान सशस्त्र प्रहरीको नियन्त्रणमा

काठमाडौं । सशस्त्र प्रहरीले अवैध तस्करीको लाखौं रुपैयाँको सामानसहित तीन वटा मोटरसाइकल नियन्त्रणमा लिएको छ। 

सशस्त्र प्रहरी प्रधान कार्यालयका अनुसार बोर्डर आउटपोस्ट (बिओपी) बरैनिया, बाराबाट खटिएको टोलीले सीमावर्ती क्षेत्रमा अवैध रूपमा ओसारपसार भइरहेको विभिन्न सामानसहित तीन वटा मोटरसाइकल बरामद गरेको हो।

सशस्त्र प्रहरीका अनुसार शुक्रबार बिहान गरिएको विशेष निगरानीका क्रममा अन्दाजी ९ लाख ६४ हजार ४ सय रुपैयाँ बराबरका अवैध सामान र तीन वटा मोटरसाइकल नियन्त्रणमा लिइएको हो।

बरामद गरिएका सामान आवश्यक कानुनी प्रक्रिया पूरा गरी सम्बन्धित निकायमा बुझाइएको सशस्त्र प्रहरीले जनाएको छ।