सशस्त्र प्रहरी बलको नयाँ तलबमान लागू (कसको कति)?

काठमाडौं । सरकारले सशस्त्र प्रहरी बल, नेपाल (एपीएफ) का सबै तहका कर्मचारीको संशोधित तलबमान सार्वजनिक गरेको छ। मन्त्रिपरिषद्को निर्णयअनुसार साउन १ गतेदेखि लागू हुने गरी आईजीपीदेखि जवान तथा कार्यालय सहयोगीसम्मको नयाँ तलब कायम गरिएको हो।

नयाँ तलबमानअनुसार सशस्त्र प्रहरी महानिरीक्षक (आईजीपी) र अतिरिक्त महानिरीक्षक (एआईजी) को मासिक तलब समान ८४ हजार ५७६ रुपैयाँ कायम गरिएको छ। यस्तै, सशस्त्र प्रहरी नायब महानिरीक्षक (डीआईजी) ले ७३ हजार ७५० रुपैयाँ तथा सशस्त्र प्रहरी वरिष्ठ उपरीक्षक (एसएसपी) ले ७० हजार ७९४ रुपैयाँ मासिक तलब पाउने भएका छन्।

त्यसैगरी, सशस्त्र प्रहरी उपरीक्षक (एसपी) को तलब ६७ हजार ९२ रुपैयाँ, सशस्त्र प्रहरी नायब उपरीक्षक (डीएसपी) को ६२ हजार ५४६ रुपैयाँ र सशस्त्र प्रहरी निरीक्षक (इन्स्पेक्टर) को ६० हजार ८७४ रुपैयाँ कायम गरिएको छ।

जुनियर अधिकृततर्फ सशस्त्र प्रहरी वरिष्ठ नायब निरीक्षक (वरिष्ठ सई) को मासिक तलब ४८ हजार १०४ रुपैयाँ, सशस्त्र प्रहरी नायब निरीक्षक (सई) को ४५ हजार ८४१ रुपैयाँ तथा सशस्त्र प्रहरी सहायक निरीक्षक (असई) को ४४ हजार ५७७ रुपैयाँ निर्धारण गरिएको छ।

अन्य दर्जातर्फ सशस्त्र प्रहरी वरिष्ठ हवल्दारले ३७ हजार ६४८ रुपैयाँ, हवल्दारले ३७ हजार ४५७ रुपैयाँ, सहायक हवल्दारले ३७ हजार १ रुपैयाँ तथा सशस्त्र प्रहरी जवानले ३६ हजार ३३८ रुपैयाँ मासिक तलब पाउने भएका छन्।

यस्तै, रिक्रुट श्रेणीविहीनको तलब २७ हजार १७२ रुपैयाँ कायम गरिएको छ भने फ्लोवर्स (सयस समेत) ३६ हजार २३२ रुपैयाँ  ,कार्यालय सहयोगीतर्फ पाँचौं तहको ४० हजार ९६२ रुपैयाँ, चौथो तहको ३४ हजार ८८१ रुपैयाँ, तृतीय तहको ३२ हजार ३९७ रुपैयाँ, द्वितीय तहको ३० हजार ६०२ रुपैयाँ तथा प्रथम तहको २८ हजार ९८४ रुपैयाँ मासिक तलब तोकिएको छ।

यस्तो छ नयाँ तलब दर-