सशस्त्र प्रहरीद्वारा ३८ लाख २४ हजार रुपैयाँको भन्सार छलीका अवैध सामान बरामद

काठमाडौं । सशस्त्र प्रहरी बल, नेपालले लुम्बिनी प्रदेशसहित देशका विभिन्न स्थानमा सञ्चालन गरेको चेकजाँच तथा निगरानीका क्रममा ठूलो परिमाणमा अवैध सामान बरामद गरेको छ।

सशस्त्र प्रहरी प्रधान कार्यालयका अनुसार आज गरिएको कारबाहीमा  ३८ लाख २४ हजार रुपैयाँ बराबरका अवैध सामान बरामद गरिएको हो।

बरामद सामानमा लत्ताकपडा, मोटर पार्ट्स, खाद्यान्न तथा विद्युतीय सामग्री लगायत रहेका छन्। सीमा नाका तथा विभिन्न स्थानमा गरिएको चेकजाँचका क्रममा अवैध रूपमा ल्याइएका ती सामान नियन्त्रणमा लिइएको सशस्त्र प्रहरीले जनाएको छ।

बरामद गरिएका सबै सामान आवश्यक कारबाहीका लागि सम्बन्धित भन्सार कार्यालयमा बुझाइएको सशस्त्र प्रहरी प्रधान कार्यालयले जनाएको छ।