सर्वसाधारणका लागि सशस्त्र प्रहरीको निःशुल्क बस सेवा
काठमाडौँ । दसैँका बेला सार्वजनिक यातायातको चाप र अभावलाई मध्यनजर गर्दै सशस्त्र प्रहरी बल, नेपालले काठमाडौँ उपत्यकामा निःशुल्क बस सेवा सुरु गरेको छ। सर्वसाधारणको आवतजावत सहज बनाउने उद्देश्यले दुईवटा बस परिचालन गरिएको हो।
सशस्त्र प्रहरी नायब महानिरीक्षक एवं प्रवक्ता नेत्रबहादुर कार्कीका अनुसार निःशुल्क बस सेवा आजदेखि लगातार तीन दिनसम्म सञ्चालन हुनेछ। बिहान ८ बजेदेखि बेलुका ६ बजेसम्म सञ्चालन हुने उक्त सेवाबाट उपत्यकाका विभिन्न स्थानमा यात्रा गर्ने नागरिक लाभान्वित हुनेछन्।
सशस्त्र प्रहरी बलको प्रधान कार्यालयबाट छुट्ने पहिलो बसले बालाजु, नयाँ बसपार्क, कोटेश्वर, सातदोबाटो र बल्खु हुँदै यात्रुलाई सेवा दिनेछ। दोस्रो बस भने सीतापाइला, कलङ्की, बल्खु, कोटेश्वर र नयाँ बसपार्कलगायतका क्षेत्र हुँदै सञ्चालन गरिनेछ।
दसैँको समयमा सार्वजनिक यातायातका साधन कम चल्दा यात्रुले भोग्नुपर्ने असुविधालाई कम गर्न सशस्त्र प्रहरीले यस्तो व्यवस्था गरेको जनाएको छ। चाडपर्वका बेला नागरिकको यात्रालाई सहज र सुरक्षित बनाउन बलले निःशुल्क बस सेवा सञ्चालन गर्दै आएको छ।
सशस्त्र प्रहरी निरीक्षक योगेन्द्र शाहीलाई मातृशोक
सोमबार, कात्तिक २, २०८३
नौबस्तामा सशस्त्र प्रहरी जवान आधारभूत तालिमको अन्तिम दीक्षान्त कवाज समारोह सम्पन
बिहीबार, असोज २९, २०८३
बाँकेमा दुई दिनमा १५ लाखभन्दा बढीको अवैध सामान सशस्त्र प्रहरीको नियन्त्रणमा
बिहीबार, असोज २९, २०८३
महाकालीमा बेपत्ता सशस्त्रका असई थारूको शव झोलुङ्गे पुलको तारमा फसेको अवस्थामा फेला
बुधबार, असोज २८, २०८३
