१५ वर्षीया बालिकामाथि जबरजस्ती करणीको आरोपमा २१ वर्षीय युवक पक्राउ

काठमाडौं । १५ वर्षीया बालिकामाथि जबरजस्ती करणी गरेको आरोपमा तनहुँमा एक युवक पक्राउ परेका छन् ।

पक्राउ पर्नेमा भिमाद नगरपालिका–४ सारडाँडा निवासी २१ वर्षीय संजय राना रहेको प्रहरीले जनाएको छ ।

प्रहरीका अनुसार रानाविरुद्ध बालिकामाथि जबरजस्ती करणी गरेको भन्दै उजुरी परेको थियो । उक्त उजुरीका आधारमा इलाका प्रहरी कार्यालय भिमादबाट खटिएको प्रहरी टोलीले उनलाई पक्राउ गरेको हो ।

घटनाबारे थप अनुसन्धान भइरहेको प्रहरीले जनाएको छ ।