बाँकेको जानकीमा पहिचान नखुलेको पुरुषको शव फेला

नेपालगन्ज । बाँकेको जानकीमा एक जना पुरुषको बेवारिसे अवस्थामा एक जना पुरुषको शव फेला परेको छ। जिल्ला प्रहरी बाँकेका अनुसार जानकी गाउँपालिकास्थित वडा नम्बर ४ मा रहेको स्थानीय सावित्री रानाको बाझो खेतमा अन्दाजी ३२-३३ वर्षीय पुरुषको बेवारिसे शव फेला परेको हो।

आइतबार मृत फेला परेका ती पुरुषको अहिलेसम्म पहिचान हुन नसकेको जिल्ला प्रहरी बाँकेले जनाएको छ। प्रहरीले ती पुरुषको शवलाई भेरी अस्पतालको शव गृहमा राखेको बताउँदै वेपत्ता भएका पुरुषको घरपरिवार आएर पहिचान गर्न जिल्ला प्रहरी बाँकेले अनुरोध गरेको छ।

प्रहरीका अनुसार दिइएको मृतक पुरुषको होलिया-

वर्ण गहुँगोरो, उचाई ५ फिट ४ इन्च, हरियो रंगको टिसर्ट लगाएको, दाहिने हातमा रातो धागो बाँधेको, लाश नजिक Dolphin लेखेको फित्तावाला १ जोर चप्पल, कालो ट्रयाक, निलो कट्टु रहेको, हेर्दा चौधरी समुदायको जस्तो देखिने वर्ष अं. ३०/३२ को पुरुष व्यक्ति ।