अख्तियारमा दाङबाट १७५ उजुरी पर्दा बाँके दोस्रो स्थानमा

काठमाडौं । लुम्बिनी प्रदेशको पश्चिमी जिल्लातर्फ  अख्तियारमा परेका उजुरीमा सबैभन्दा अगाडि दाङ परेको छ। दोस्रोमा बाँके जिल्ला रहेको छ। अख्तियार दुरुपयोग अनुसन्धान आयोगको कार्यालय बुटवल सम्पर्क कार्यालय नेपालगञ्जमा परेको उजुरीमा दाङ र बाँके परेका हुन् ।

सबभन्दा माथि तुलसीपुर उपमहानगरपालिका धेरै उजुरीको चाङ रहेको पालिकाको पहिलो सुचिमा रहेको छ ।चालु आर्थिक वर्षको पुस मसान्तसम्म परेका सबै भन्दा बढी उजुरी दाङ र दोस्रोमा बाँके रहेको अख्तियारले जानकारी दिएको छ ।

अख्तियार  नेपालगञ्जले हेर्ने बाँके,बर्दिया,दाङ र रोल्पाबाट परेका उजुरी मध्ये सबैभन्दा बढी दाङ र दोस्रोमा बाँके रहेको कार्यालय प्रमुख गणेशबहादुर अधिकारीले जानकारी दिएका छन् ।

गत वर्ष बाँके पहिलो, दाङ दोस्रोमा रहेको थियो ।कार्यालयको कार्य क्षेत्रमा रहेका ३६ स्थानीय तहमा तुलसीपुर उपमहानगरपालिका २३ वटा उजुरी सहित सबैभन्दा धेरै उजुरी पर्ने पालिकाको पहिलो नम्बरमा रहेको छ ।

अख्तियारको कार्यक्षेत्र भित्रका बाँके,बर्दिया,दाङ र रोल्पा जिल्लाबाट परेका उजुरी ४ सय ७२ मध्ये २ सय ९५ वटा फर्च्योट भएको र १ सय ७७ उजुरी बाँकी रहेका छन् ।

आयोगमा परेका जिल्लागत उजुरीको संख्याको आधारमा दाङ १ सय ७५ पहिलो, बाँके १ सय ७४ दोस्रो,बर्दिया ६३ सहित तेस्रो र रोल्पा ६० वटा उजुरी सहित चौथो स्थानमा रहेको छ ।

यस्तै नेपालगञ्ज उपमहानगरपालिका २१ सहित दोस्रो, कोहलपुरमा २० सहित तेस्रो, बढैयाताल गाउपालिका १५, गंगादेव, डुडुवा,दंगिशरण र सुनिलस्मृती गाउपालिकाको १४ रहेको अख्तियारले जानकारी दिएको छ।