भ्रष्टाचार मुद्दामा फरार रहेका विद्युत् प्राधिकरणका सहायक प्रबन्धक पक्राउ

काठमाडौं । प्रहरीले नेपाल विद्युत् प्राधिकरणका सहायक प्रबन्धकलाई पक्राउ गरेको छ । भ्रष्टाचार मुद्दामा फरार रहेका सहायक प्रबन्धक ६५ वर्षीय ध्रुवकुमार उप्रेतीलाई सेआईबीले पक्राउ गरको हो।

गैरकानुनी रुपले सम्पत्ति आर्जन गरेका चितवन घर भएर हाल काठमाडौंको वनस्थली बस्दै आएका सहायक प्रबन्धक उप्रेतीलाई सर्वोच्च अदालतले भ्रष्टाचार मुद्दामा दोषी ठहर गरेको थियी।

गत १२ गतेको फैसलाबाट दोषी ठहर भएका उप्रेती फरार भएर लुकिछिपी बस्दै आएको अवस्थामा वनस्थलीबाट पक्राउ गरी प्रहरीले आबश्यक सजाय भुक्तानका लागि जिल्ला अदालत काठमाडौंमा अदालत पेस गर्दै त्यहाबाट डिल्लीबजार कारागार चलान गरिएको प्रहरीले जानकारी दिएको छ।

उप्रेतीविरुद्ध अख्तियार दुरुपयोग अनुसन्धान आयोगले दायर गरेको मुद्दामा सर्वोच्चले उनलाई २ करोड ५५ लाख १६ हजार ४ सय ४३ रुपैयाँ जरिवाना र ६ महिना जेल सजायको फैसला गरेको थियो।