५ लाख ७० हजार घुससहित अख्तियारको नियन्त्रणमा परे इन्जिनियर सन्तोष

काठमाडौं । अख्तियार दुरुपयोग अनुसन्धान आयोगबाट खटिएको प्रहरी टोलीए एक इन्जिनियरलाई लाखौं रुपैयाँ घुससहित नियन्त्रणमा लिएको छ।

सघन सहरी तथा भवन निर्माण आयोजनाका  ४२ वर्षीय इन्जिनियर सन्तोष कुमार यादवलाई रेस्टुरेन्टबाट ५ लाख ७० हजार घुससहित पक्राउ गरिएको अख्तियारले जानकारी दिएको छ।

इन्जिनियर यादवले निर्माणाधीन सडकको रनिङ बिल भुक्तानीका बारेमा विभिन्न बहानामा दुःख दिएर घुस लिएको सूचनाका आधारमा अख्तियार टंगालको टोलीले उनलाई भक्तपुरको ठिमीस्थित रेस्टुरेन्टबाट ५ लाख ७० हजार रुपैयाँ घुससहित पक्राउ गरेको थियो। 

हाल भक्तपुरस्थित लोकन्थली बस्ने महोत्तरीको भंगहा नगरपालिका घर भएका इन्जिनियरलाई पक्राउ गरेर थप अनुसन्धान सुरु गरिएको अख्तियार दुरुपयोग अनुसन्धान आयोगले जनाएको छ।