कल्याणपुरका मेयर रामपुकार १ लाख रुपैयाँ घुससहित पक्राउ

काठमाडौं । अख्तियार दुरुपयोग अनुसन्धान आयोगले नेकपा एमालेबाट निर्वाचित भएका एक जना नगरपालिकाका नगर प्रमुख (मेयर)लाई घुससहित रङ्गेहात पक्राउ गरेको छ। 

अख्तियारले सिरहाको कल्याणपुर नगरपालिकाका मेयर रामपुकार साह घुस लिँदै गरेको अवस्थामा रङ्गेहात पक्राउ गरेको हो।

अख्तियारका अनुसार मेयर साहले सेवाग्राहीसँग १ लाख रुपैयाँ घुस लिरहेको सूचना प्राप्त भएपछि अख्तियार दुरुपयोग अनुसन्धान आयोग बर्दिबास कार्यालयबाट खटिएको टोलीले उनलाई घुससहित पक्राउ गरेको हो।

मेयर साहलाई कल्याणपुर नगरपालिका परिसरबाटै सेवाग्राहीसँग नगद घुस रकम लिँदै गरेको अवस्थामा आज दिउँसो पक्राउ गरेर थप अनुसन्धानका लागि बर्दिबासस्थित आयोगको कार्यालयतर्फ लगिएको अख्तियारले जानकारी दिएको छ।