नापी अधिकृतविरुद्ध पौने ६ करोड रुपैयाँ बढीको भ्रष्टाचार मुद्दा

काठमाडौं । नापी अधिकृतविरुद्ध अख्तियार दुरुपयोग अनुसन्धान आयोगले भ्रष्टाचार मुद्दा दायर गरेको छ। आज अख्तियारले रुपन्देहीमा कार्यरत नापी अधिकृत सुग्रीव यादवविरूद्ध विशेष अदालतमा भ्रष्टाचार मुद्दा दर्ता गरेको जानकारी दिएको छ ।

अख्तियारले अधिकृत सुग्रीवविरूद्ध  ५ करोड ७९ लाख ६२ हजार ४४० रूपैयाँ भ्रष्टाचार गरेको आरोपमा मुद्दा दर्ता गरेको हो ।

अख्तियार दुरुपयोग अनुसन्धान आयोगका अनुसार सुग्रीव  निमित्त कार्यालय प्रमुख रहँदा माथिल्लो राजनीतिक शक्तिकेन्द्रलाई प्रभावमा पारी प्रमुख नापी अधिकृत (उपसचिव) कार्यालय प्रमुख रहने दरबन्दी रिक्त बनाइ,वैदेशिक अध्ययनमा गएका कर्मचारीको पद,दरबन्दी कायम गरी १० औं वर्ष निमित्त कार्यालय प्रमुख पदमा रही सरकारी जग्गा प्लट मिलान गर्ने नाममा सार्वजनिक जग्गाहरू व्यक्तिको नामा पारी करौडौँको आर्थिक चलखेल गरेको अनुसन्धानका क्रममा पाइएको आयोगले ठहर गरेको छ।