नेपाल प्रहरीका सई दिनेश २० हजार घुससहित पक्राउ

काठमाडौं । नेपाल प्रहरीका एक प्रहरी अधिकारी घुस लिएको आरोपमा पक्राउ परेका छन्। अख्तियार दुरूपयोग अनुसन्धान आयोगको टोलीले प्रहरी काठमाडौंको प्रहरी  वृत्त मालिगाउँमा कार्यरत प्रहरी नायब निरीक्षक ( सई) दिनेश राउतलाई २० हजार रुपैयाँसहित नियन्त्रणमा लिएको हो।

आयोगका प्रवक्ता सुरेश न्यौपानेका अनुसार राउतले बैंकिङ कसुरसम्बन्धी मुद्दामा रकम फिर्ता गराइदिने र मिलापत्र गराइदिने बहानामा सेवाग्राहीसँग घुस मागेका थिए। यसबारे उजुरी परेपछि आयोगको टोलीले निगरानी बढाएको थियो।

अनुसन्धानका क्रममा उनलाई घुस लिइसकेको अवस्थामा गहनापोखरी क्षेत्रबाट पक्राउ गरिएको जनाइएको छ। आयोगले घटनाबारे थप अनुसन्धान अघि बढाएको छ।