लागूऔषध मुद्दा मिलाउने भन्दै ५० हजार घुस लिएका मुद्दा शाखाका प्रहरीका वरिष्ठ हवल्दार पक्राउ

काठमाडौं । नेपाल प्रहरी एक प्रहरी वरिष्ठ हवल्दार घुस प्रकरणमा पक्राउ परेका छन्।

लागूऔषध सम्बन्धी मुद्दामा सहयोग गरिदिने भन्दै सेवाग्राहीसँग रकम माग गरेको उजुरीपछि अख्तियार दुरुपयोग अनुसन्धान आयोगले उनलाई नियन्त्रणमा लिएको हो।

जिल्ला प्रहरी कार्यालय कास्कीको मुद्दा फाँटमा कार्यरत वरिष्ठ हवल्दार  विष्णु थापा क्षेत्रीलाई पोखरा कार्यालयबाट खटिएको टोलीले ५० हजार रुपैयाँ घुस लिइसहेको अवस्थामा पक्राउ गरेको जनाएको छ।

आयोगका प्रवक्ता सुरेश न्यौपानेका अनुसार उनी सेवाग्राहीबाट रकम बुझिसकेको अवस्थामा फेला परेका थिए।

पक्राउ परेका वरिष्ठ हवल्दार क्षेत्रीमाथि थप अनुसन्धान जारी रहेको अख्तियारले जनाएको छ।