तुलसीपुरमा १३ किलो अफिमसहित ३ जना पक्राउ

तुलसीपुर । दाङको तुलसीपुरमा १३ केजी अफिमसहित तीन जना पक्राउ परेका छन् ।पक्राउ पर्नेमा रुकुम पश्चिमको मुसिकोट नगरपालिका – ६ का ३० बर्षीय मोहन पुन, आठबिसकोट नगरपालिका– ३ का ४० बर्षीय टेकबहादुर बोहरा र आठबिसकोट – २ की ४५ बर्षीया मनकुमारी बोहरा रहेको इलाका प्रहरी कार्यालय तुलसीपुरका प्रबक्ता प्रहरी निरीक्षक प्रकाश थापाले फरककोणलाई बताए ।

तुलसीपुर उपमहानगरपालिका – ८ शुभबिहानी टोलको एक घरबाट उनीहरु मंगलबार बेलकी साढे ६ बजेतिर पक्राउ परेका हुन ।

गोप्य सुराकका आधारमा प्रहरी निरीक्षक थापासहित जिल्ला प्रहरी कार्यालयबाट आएका सादा पोशाकका कर्मचारीसहित सात जनाको टोलीले खानतलासी पछि उनीहरुलाई नियन्त्रणमा लिएको थियो ।

पक्राउ परेकाहरु उपर थप अनुसन्धान भइ रहेको प्रहरी निरीक्षक थापाले बताए ।