सशस्त्र प्रहरीले बरामद गर्‍यो सप्तरीबाट १ सय ७ कार्टुन मदिरा

सप्तरी । सशस्त्र प्रहरीले सप्तरीबाट ठुलो परिमाणमा अवैध मदिरा बरामद गरेको छ। जिल्लास्थित राजगढ गाउंपालिका–२ कमलपुर स्थित दशगजा ईलाकाबाट सोमबार १ सय ७ कार्टुन मदिरा बरामद गरेको सशस्त्र प्रहरीले जनाएको छ ।

सशस्त्र प्रहरीका अनुसार  प्रस्तावित सीमा सुरक्षा गुल्म पातोले नेपालबाट अवैध रुपमा भारततर्फ लैजाँदै गरेको मामाश्री ब्राण्डको (मदिरा) सहित ओसारपसारमा संलग्न २ जना व्यक्तिलाई समेत नियन्त्रणमा लिएको हो।

सशस्त्र प्रहरीले  उनीहरुसहित बरामद मदिरालाई आबश्यक कारबाहिको लागि राजबिराज भन्सार कार्यालय तिलाठिमा बुझाएको जनाएको छ।