काभ्रेमा खोला तर्ने क्रममा बाढीले बगाएर एक महिला र बालिकाको मृत्यु

काभ्रे। काभ्रेपलान्चोकको रोशी गाउँपालिकास्थित भ्याकुरे खोलामा आएको बाढीले बगाएर दुई जनाको मृत्यु भएको छ।

गाउँपालिकाको वडा नंं.११ बाट बग्ने भ्याकुरे खोला तर्ने क्रममा आज साँझ ७ बजे स्थानीय ६५ वर्षीया जालमाया रुचाल मगर र उनकी ५ वर्षीया भतिजी सेतीमाया रुचाल मगरलाई बाढीले बगाएर मृत्यु भएको काभ्रे प्रहरीले जानकारी दिएको छ।

प्रहरीका अनुसार उनीहरु दुबै जनाको शव ९ सय मिटर तल फेला परेको थियो।