पहिरोले घर पुरिँदा एकै घरका ४ जना घाइते,३ जनाको अवस्था गम्भीर

काठमाडौं । ताप्लेजुङको सिदिङ्वा गाउँपालिका–३ मा गए राति पहिरोले घर पुरिँदा एकै परिवारका ४ जना घाइते भएका छन्। 

स्थानीय हस्तबहादुर कटुवालको घर पहिरोले पुरिँदा उनीसहित उनकी श्रीमती ठगमाया, छोरा जगत् र छोरी सम्झना घाइते भएका हुन्।

घरमाथि रहेको कुलो थुनिएर पहिरो खस्दा कटुवालको घर पुरिएको हो। पहिरो लगत्तै छिमेकीहरूले कटुवाल परिवारको उद्धार गरेका थिए।

घाइतेमध्ये तीन जनाको अवस्था गम्भीर रहेको प्रहरीले जनाएको छ। उनीहरूलाई थप उपचारका लागि पाँचथर लैगिएको प्रहरीले जनाएको छ।