जेठदेखि हालसम्म विपद् घटनामा २०७ को मृत्यु,२२ जना बेपत्ता

काठमाडौँ। गत वैशाखदेखि भदौ १४ गतेसम्म नेपालभरि ३ हजार २८१ विपद्का घटनामा २ सय ७ जनाको मृत्यु भएको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार, ती घटनामा परी २ सय ७ जनाको मृत्यु  भएको र  २२ जना बेपत्ता र ७ सय ७४ जना घाइते भएका छन्। यसबाट ५ हजार ९६३ परिवार प्रभावित भएका छन्।

विपद्का मुख्य कारण र क्षति विवरण

यस अवधिमा सबैभन्दा बढी आगलागीका १ हजार १९७ घटना भएका छन्, जसमा १५ जनाको मृत्यु भएको छ। विपद्का अन्य प्रमुख घटनाहरू र तिनको विवरण यसप्रकार छन्स्

बाढी:  २ सय ४३ घटना, २७ जनाको मृत्यु, २२ जना बेपत्ता र १० जना घाइते।

पहिरो: ३ सय ६८ घटना, १८ जनाको निधन र २८ जना घाइते।

चट्याङ: २ सय ५८ घटना, ३१ जनाको ज्यान गएको र १९३ जना घाइते।

सर्पदंश; २ सह ६८ घटना, ७२ जनाको निधन र २०२ जना घाइते।

हुरीबतास: २ सय ८० घटना, ८ जनाको निधन र ४१ जना घाइते।