मोहना नदीको बाढीमा फसेका ५ जनाको सशस्त्र प्रहरीद्वारा सकुशल उद्धार

कैलाली । सशस्त्र प्रहरीले बाढीमा फसेका ५ जनाको सकुशल उद्धार गर्दै ७ परिवारलाई सुरक्षित स्थानमा सारेको गरेको छ।

आज दिउँसो कैलालीको मोहना नदीमा वर्षासँँगौ आएको बाढीमा फसेकाको सशस्त्र प्रहरीको फुलवारी बिओपीको टोलीले सकुशल उद्धार गरेको सशस्त्र प्रहरीले जनाएको छ।

धनगढी उपमहानगरपालिका-१८ स्थित नोक्लिपुरबाट नदी पार गरी घाँस काट्न गएर फर्किने क्रममा मोहना नदीमा बाढी आएर बीचमा ५ जना स्थानीय फसेको खबर पाए लगत्तै गएको फुलवारी बिओपीको टोलीले सकुशल उद्धार गरेको हो।

त्यस्तै सशस्त्र प्रहरी बलको सोही बिओपीले धनगढी उपमहानगरपालिका-१५ कनरी गाउँस्थित खटिया नदीमा पानीको बहाब बढेेेर डुबानमा परेका ७ घरपरिवारलाई  सुरक्षित स्थानमा सारेको सशस्त्र प्रहरी बल नंं ७ वैद्यनाथ बाहिनीले जानकारी दिएको छ।