एनपीएलमा अनलाइन 'सट्टेबाजी' गरेको आरोपमा ४ जना पक्राउ

काठमाडौं ।प्रहरीले नेपाल प्रिमियर लिग(एनपीएल) मा  सट्टेबाजी गरेको आरोपमा चार जनालाई पक्राउ गरेको छ।

नेपाल प्रहरीको केन्द्र,अनुसन्धान ब्यूरो (सीआईबी) को टोलीले एनपीएलमा सट्टेबाजी गरेको आरोपमा सोमबार दुई र आज २ जना गरि चार जनालाई पक्राउ गरेको हो।

चारै जनालाई कीर्तिपुरबाट पक्राउ गरेको सीआईबीले जनाएको छ। पक्राउ पर्ने सबै भारतीय नागरिक रहेको प्रहरीले जानकारी दिएको छ।

पक्राउ पर्ने दुई जना भारतको कोलकाता र दुई जना बिहारका हुन् ।

एनपीएलमा सट्टेबाजी हुनसक्नेबारे कडा निगरानी राख्दा ती चार जनालाई पक्राउ गरिएको सीआईबीले जानकारी दिएको छ।

एनपीएलमा अनलाइन सट्टेबाजी हुने आशंकामा सीआईबी , जिल्ला प्रहरी परिसर काठमाडौं र अपराध अनुसन्धान कार्यालयको टोली खटाइएको छ।