बाटोमा फेला परेको सुन र नगदसहितको ब्यागलाई बाँके प्रहरीले फिर्ता गर्‍यो सम्बन्धित धनीलाई

नेपालगन्ज । नेपालगन्जको कारकाँदोबाट हराएर एक व्यक्तिले फेला पारी जिल्ला प्रहरी बाँकेलाई बुझाइएको सुन र नगद सम्बन्धित धनीलाई बुझाइएको छ।

सोमबार  दिउँसो नेपालगन्ज-१८ स्थित स्टार लाईट होटेल अगाडिको बाटोबाट राजबिराज नगरपालिका-६ घर भएर हाल सुर्खेत बस्दै आएका सुनिल भगतले भेटाएर १० हजार ४२० रुपैयाँ र सुनको गहनासहितको ब्यागलाई भेटाएर जिल्ला प्रहरी कार्यालयमा बुझाएका थिए।

जिल्ला प्रहरी बाँकेमा आज नेपालगन्ज-१८ कै ४१ वर्षीया महिला पूर्ण कुमारी थापाले हराएको नगद र सुन आफ्नो भएको निवेदन दिए पश्चात् सबै कुरा जाँचबुझ गरेर उनलाई उक्त सामान फिर्ता गरिएको जिल्ला प्रहरी बाँकेले जनाएको छ।

जिल्ला प्रहरी बाँकेले सुन र नगद भेटाएर प्रहरी कार्यालयमा बुझाउने भगतलाई विशेष धन्यवाद प्रकटसमेत गरेको थियो।

भेटाइएको सुन, प्रहरीलाई बुझाउँदै र सम्बन्धित धनीलाई हस्तान्तरण गर्दै-