नेपालगन्जबाट खैरो हेरोइनसहित ३ जना पक्राउ

नेपालगन्ज । नेपालगन्जबाट खैरो हेरोइनसहित तीन जनालाई प्रहरीले पक्राउ गरेको छ।

नेपालगन्जको पुष्पलाल चोकमा लागुऔषधको कारोबार हुँदै गरेको विशेष सूचना पाएर गएको जिल्ला प्रहरी बाँके र लागुऔषध नियन्त्रण ब्यूरोको टोलीले १५० खैरो हेरोइसहित नेपालगन्जको पुष्पलाल चोकबाट पक्राउ गरेको हो।

जिल्ला प्रहरी बाँकेका अनुसार शुक्रबार साँझ नेपालगन्ज- २२ बस्ने वर्ष ६१ को राजेन्द्र कुमार गोडियासहित नेपालगन्ज- ५ का  ३२ वर्षीय यमुजीव खान र नेपालगन्ज-८ का २६ वर्षीय मोहिद अन्सारीलाई १५० ग्राम खैरो हेरोइनसहित पक्राउ गरेको हो।

प्रहरीले उनीहरुको साथबाट हेरोइनसहित ३ थान मोबाइल र एउटा साइकलसमेत बरामद गरेको हो भने पक्राउ परेका उनीहरुविरुद्ध थप अनुसन्धान गरिरहेको जिल्ला प्रहरी बाँकेले जानकारी दिएको छ।